Besimtarët ortodoksë festojnë pashkën
2024-05-06 14:34:48
Pashka (Foto Atsh)
Besimtarët ortodoksë shqiptarë festuan të dielën pashkën, ditën më e rëndësishme në kalendarin festiv të krishterë, shkruan “ATSH”.
Në mbarë vendin besimtarët kremtuan në mesnatë ngjalljen e Krishtit në meshën e pashkës.
Me lutjet për paqe dhe mirësi, besimtarët ortodoksë ndoqën meshën e ngjalljes së Krishtit në kishat dhe katedralet në gjithë vendin.
Ata ndezën qirinjtë në kishë, duke marrë flakën e dritës së shpresës dhe çukitën vezët e kuqe, që simbolizojnë gjakun e Krishtit.
Bashkë me besimtarët ortodoksë festën e pashkës e festuan edhe besimtarët e feve të tjera. Shqipëria është e njohur për bashkëjetesën në harmoni të besimeve fetare, e cila konsiderohet si një vlerë e kombit shqiptar. (Fatosi)
Lajmet Kryesore