Ministrja Kociu (Foto Shendetesia.gov.al)
Ministrja e Shëndetësisë dhe Mbrojtjes Sociale, Albana Koçiu, deklaroi se Strategjia Kombëtare e Mbrojtjes Sociale ka si qëllim kryesor krijimin e një mjedisi fuqizues për çdo individ në nevojë, duke garantuar një jetesë dinjitoze përmes trajnimeve profesionale dhe riintegrimit në tregun e punës, shkruan “ATSH”.
Përmes një postimi në rrjetet sociale, ministrja solli shembullin e dy grave që merrnin ndihmë ekonomike, por tashmë janë të punësuara, duke sjellë të ardhura për familjet e tyre.
Në total MSHMS ka krijuar 120 mijë profile të individëve në moshë aktive pune, që janë pjesë e ndihmës ekonomike.
Janë krijuar plane TIP, për mbështetje specifike, individuale të këtyre individëve, si dhe janë krijuar pothuajse 20 mijë skeda, profile nga Shërbimi Social Shtetëror.
Rezultati i kësaj qasjeje është numri i punësimit që vjen në rritje. (Irma)