foto/CMG

Një foto e bërë në mars të vitit 1999 dokumenton historinë e kësaj tradite familjare.

Nëna e presidentit Xi Jinping, Qi Xin, dikur kopjoi plotësisht një proverbë të hershme të transmetuar brez pas brezi që nga dinastia Ming. Ajo ishte përmendur fillimisht nga Cao Duan, një studiues i dinastisë Ming. Më vonë, një zyrtar i kësaj dinastie, Nian Fu, i ndryshoi pak fjalët. Do të thotë: “Vartësit e mi më kanë frikë jo sepse jam i rreptë, por sepse jam i ndershëm, njerëzit më besojnë jo sepse jam i talentuar, por sepse veproj siç duhet”. Nëse jeni të drejtë, njerëzit nuk do të guxojnë të mashtrohen, nëse jeni të sinqertë vartësit tuaj nuk do të guxojnë të jenë të pandershëm. Vetëm duke qenë i ndershëm mund të dallosh të drejtën nga e gabuara dhe duke qenë i tillë mund të vendosësh prestigj.

Çdo gërmë e kësaj fjalie i paralajmëron njerëzit të jenë të paanshëm, vetëmohues, të ndershëm dhe të vetëmjaftueshëm si zyrtarë. Çdo pjesë e saj është një dorëshkrim i bukur dhe pasqyron trashëgiminë e traditës së shkëlqyer familjare.

foto/CMG

Xi Jinping lindi në qershor të vitit 1953, në një familje që i kushtonte rëndësi të madhe familjes, mësimdhënies dhe traditës familjare. Kur Xi Jinping ishte fëmijë, ai dhe vëllai i tij më i vogël shpesh mbanin rroba dhe këpucë të veshura nga motrat e tyre më të mëdha. Kur Xi Jinping ishte më pak se 16 vjeç, ai u largua nga shtëpia për t'u bashkuar me ushtrinë në Shaanxi. Prej atëhere nëna e tij, Qi Xin, i përgatiti një dyshek me veshjet e vjetra të shtëpisë. Kur ai shkoi për të punuar në Zhengding, Xi Jinping e përdori përsëri këtë dyshek. Ai thotë "Unë jam shumë i ndjeshëm për këtë".

Nëna e tij ka ruajtur shprehi të thjeshta jetese për shumë vite. Vendi i punës ishte larg shtëpisë dhe familja e saj bashkohej rrallë, por ajo kurrë nuk mendoi të përdorte marrëdhënien me bashkëshortin e saj për të ndryshuar punën.

Çdo histori është një interpretim i gjallë i " paanshmërisë" dhe "integritetit" të kësaj familjeje.

foto/CMG

Vitet kalojnë. Nga një fëmijë që dëgjonte tregimet e nënës së tij për shërbimin besnik ndaj vendit, te një "djalosh i palodhur" në sytë e njerëzve të fshatit Liangjiahe, nga një "guvernator i popullit" në sytë e popullit të provincës Fujian, në drejtimin e më shumë se 1.4 miliardë kinezëve në një udhëtim të ri drejt përtëritjes kombëtare, Xi Jinping kujton gjithmonë mësimet e prindërve të tij. 

Ai thotë shpesh se shërbimi ndaj popullit dhe të qenit i ndershëm janë cilësitë e vërteta të një anëtari të partisë komuniste dhe duhet ta ruajmë këtë karakter të vërtetë.

I ndikuar nga stili familjar, Xi Jinping bën një jetë shumë të thjeshtë dhe nuk i kushton rëndësi veshjes dhe ngrënies. Vitet e fundit ai ka lëshuar vazhdimisht udhëzime për pakësimin e ushqimeve të pangrëna që hidhen. 

Xi Jinping mban parasysh vargjet e “proverbave të hershme” që nëna e tij ka kopjuar. Madje ai edhe i citoi në një mbledhje të rëndësishme, duke paralajmëruar seriozisht të gjithë shokët e partisë se “drejtësia sjell pastërti, ndershmëria sjell dinjitet”. 

foto/CMG

Xi Jinping frymëzohet nga prindërit e tij dhe përpiqet të jetë një person i pastër dhe i dobishëm për popullin. Ai ka ndihmuar një student të varfër të realizojë "ëndrën e tij të studimit" për 12 vjet radhazi. Ai madje edhe e ka vizituar studentin tetë herë dhe i është përgjigjur atij pesë herë të tjera për t'i dhënë mbështetje dhe inkurajim. Kur punonte në Ningde, ai mori vendimin për të ndërtuar rrugë dhe hidrocentrale në fshat. Pasi u bë sekretar i përgjithshëm, ai u kërkoi anëtarëve dhe kuadrove të partisë në të gjitha nivelet që të vendoseshin drejtpërdrejt në fshatra për të zbutur varfërinë “një për një”, duke e çuar Kinën në krijimin e një mrekullie në historinë e reduktimit të varfërisë njerëzore.