Baleti i Operas Kombëtare të Bordosë do të performojë për audiencën në Shangai për të shënuar 60-vjetorin e vendosjes së lidhjeve diplomatike midis Kinës dhe Francës, si dhe Vitin e Kulturës dhe Turizmit Kinë-Francë, shkruan “Xinhua”.

Si pjesë e turneut të tyre nëpër Kinë, kompania e njohur franceze e baletit do të shfaqë dy klasikë të përjetshëm, “La Sylphide” dhe “Don Kishoti” (Akti III), në Qendrën e Artit Oriental të Shangait nga 10 deri më 12 maj.

Liu Aihua, zëvendësdrejtori i përgjithshëm i qendrës, tha se këto prodhime nxjerrin në pah diversitetin e pasur dhe joshjen e qëndrueshme të baletit francez. “Në këtë vit të rëndësishëm për të dy kombet, të shënuar nga një sërë ngjarjesh kulturore, ne synojmë të forcojmë lidhjet kulturore, të nxisim vlerësimin e ndërsjellë midis Kinës dhe Francës dhe të thellojmë miqësinë tonë”,- tha Liu.

Me një histori që daton në shekullin e 18-të, Baleti i Operas Kombëtare të Bordosë është i njohur në mbarë botën për shfaqjet e tij romantike dhe estetike të baletit francez. (Irma)