Foto nga VCG

Në Haikou, kryeqendra e provincës ishullore kineze Hainan, u zhvillua takimi me temë “Fuqizimi i bukurisë së Hainan përmes ekonomisë blu”, ku morën pjesë më shumë se 200 pjesëmarrës nga brenda dhe jashtë vendit, duke përfshirë diplomatë, zyrtarë qeveritarë dhe ekspertë. Takimi u organizua nga sekretariati i Këshillit të Kinës për Bashkëpunimin Ndërkombëtar për Mjedisin dhe Zhvillimin, shkruan “Xinhua”.

Pjesëmarrësit diskutuan tema të tilla si një ekonomi blu e qëndrueshme për të mbështetur qëllimet e dyfishta të karbonit të Kinës, sfidat dhe risitë në ndërtimin e qyteteve bregdetare me elasticitet klimaterik dhe mbrojtjen e biodiversitetit detar.

Kina është angazhuar për qëllimet e dyfishta të karbonit për të arritur kulmin e emetimeve të karbonit deri në vitin 2030 dhe neutralitetin e karbonit deri në vitin 2060.

Zhao Yingmin, zëvendësministër i Ekologjisë dhe Mjedisit, tha se si një port i tregtisë së lirë, një zonë pilot kombëtare për qytetërimin ekologjik dhe një provincë kombëtare pilot me karbon të ulët, Hainan ka balancuar zhvillimin ekonomik dhe mbrojtjen e mjedisit, duke udhëhequr për treguesit ekologjikë dhe mjedisorë.

“Ministria do të vazhdojë të mbështesë Hainanin për të përshpejtuar transformimin e tij të gjelbër dhe me karbon të ulët, për të përmirësuar cilësinë e mjedisit të tij ekologjik dhe për të punuar për të ndërtuar një port të tregtisë së lirë të gjelbër dhe me karbon të ulët me ekologji të klasit të parë”,- tha Zhao. (Irma)