Presidencialet në Maqedonine e Veriut (Foto Atsh)

Kandidatja e krahut të djathtë në Maqedoninë e Veriut, Gordana Siljanovska-Davkova, pretendoi një fitore gjithëpërfshirëse në raundin e parë të zgjedhjeve presidenciale, shkruan “ATSH”.

Sipas Komisionit Shtetëror Zgjedhor, nga 90% të votave të numëruara, Siljanovska-Davkova kishte arritur fitoren me gati 40%.

Kjo e vendosi atë përpara presidentit Stevo Pendarovski të Socialdemokratëve të qendrës së majtë (SDSM), i cili mori rreth 20% të votave.

Të dy kandidatët do të përballen në balotazhin e raundit të dytë më 8 maj, por perspektiva është e zymtë për Pendarovski. Po atë ditë do të ketë edhe një votim parlamentar.

Pjesëmarrja ishte mbi 49%, sipas KSHZ-së, rreth 8 pikë më e lartë se raundi i parë i zgjedhjeve presidenciale në vitin 2019.

“Ky rezultat është jashtëzakonisht frymëzues për mua. Atë që kam premtuar do ta zbatoj në mënyrën time. Ky është fillimi i një epoke të re”,- deklaroi Siljanovska-Davkova, e cila mbështetet nga partia kryesore opozitare VMRO-DPMNE.

Pendarovski pranoi se ishte i befasuar nga hendeku i madh: “Prisnim më pak diferencë, por nesër është një ditë e re. Ne po fillojmë nga fillimi. Detyra ime është të promovoj konceptin në të cilin besoj: një shtet që nuk është i izoluar dhe që është i integruar në Evropë”. (Irma)