CFP

Projekti i Fazës III të Restaurimit të Ligatinave, pjesë e nismës Shan-Shui në pellgun e liqenit Chaohu të provincës Anhui, është përzgjedhur si një projekt demonstrues i Dekadës së Kombeve të Bashkuara për Restaurimin e Ekosistemit, sipas autoriteteve lokale, shkruan “CGTN”.

E udhëhequr nga Programi i OKB-së për Mjedisin (UNEP) dhe Organizata e OKB-së për Ushqimin dhe Bujqësinë (FAO), Dekada e OKB-së për Restaurimin e Ekosistemit synon të parandalojë, ndalojë dhe kthejë humbjen dhe degradimin e ekosistemeve në mbarë botën.

Liqeni Chaohu është një nga pesë liqenet kryesore të ujërave të ëmbla në Kinë. I vendosur në Qarkun Feidong në qytetin Hefei, kryeqendra e Anhui, ai konsiderohet një ligatinë thelbësore pranë liqenit Chaohu, sipas Zyrës së Menaxhimit të liqenit Chaohu.

Popullsia e zonës është rritur që nga vitet 1960 për shkak të rikuperimit të vazhdueshëm të liqenit dhe grumbullimit të popullsisë. Kjo ndërhyrje e aktivitetit afatgjatë njerëzor ka çuar gjithashtu në brishtësinë e ekosistemit të ligatinave lokale. (Fatosi)