Greqia (Foto Panorama)
Greqia po planifikon një shlyerje të parakohshme deri në 5 miliardë euro (5.34 miliardë dollarë) të kredive të ndihmës për vendet e Eurozonës gjatë këtij viti, pasi kërkon një kthim në normalitet pas krizës të dekadës së mëparshme, shkruan “Panorama”.
Eurozona dhe Fondi Monetar Ndërkombëtar (FMN) i dhanë Greqisë hua rreth 280 miliardë euro gjatë krizës, me kushtin që Greqia të vendoste masa të ashpra shtrënguese.
Me pagesën e planifikuar këtë vit, Greqia do të ketë shlyer rreth 15-17 miliardë euro nga kreditë e para të shpëtimit.
Në vitin 2022, vendi helen pagoi FMN-në dy vjet përpara afatit dhe në vitin 2023 u ktheu 5 miliardë euro kredi vendeve të Eurozonës.
Paketa e tretë e shpëtimit të vendit skadoi në vitin 2018 dhe që atëherë Greqia është mbështetur vetëm në tregjet e borxhit për nevojat e tij të huamarrjes. (Fatosi)