Bienalja e Venecias (Foto ATSH)

Ekspozita e artit në Bienalen e Venecias do të hapet zyrtarisht sot për vizitorët. Një audiencë ndërkombëtare e artit pritet në Giardini, Arsenale dhe vende të tjera në qytetin historik verior të Italisë për edicionin e 60-të të ekspozitës, e cila do të zgjasë deri më 24 nëntor.

Krahas “Documenta” – një ekspozitë e artit bashkëkohor që zhvillohet çdo pesë vjet në Kasel, Gjermani, bienalja e artit konsiderohet si prezantimi më i rëndësishëm i artit bashkëkohor dhe tërheq artistë dhe të ftuar nga e gjithë bota. Edicioni i sivjetshëm fokusohet në përvojën e të huajve dhe temat e migracionit.

“Nën titullin “Të huajt kudo”, të qenit dhe ndjerit i huaj do të luajë një rol të rëndësishëm”, thanë organizatorët.

foto nga CFP

Kuratori brazilian, Adriano Pedrosa ka ftuar 330 artistë nga vende të ndryshme me vepra të ndryshme.

Përveç kësaj, më shumë se 80 vende marrin pjesë në Bienale me kontributet e tyre kombëtare. Vepra të artistit izraelit, Yael Bartana dhe drejtorit të Teatrit të Berlinit, Ersan Mondtag do të ekspozohen në pavijonin gjerman në Giardini.

Përveç kësaj, katër artistë të tjerë do të shfaqin punën e tyre për Gjermaninë në ishullin “La Certosa”.

Në nisje të këtij eventi të rëndësishëm artistik janë planifikuar të jepen disa çmime.

Piktorja dhe skulptorja italo-braziliane Anna Maria Maiolino dhe grafisti dhe fotografi turk Nil Yalter pritet të nderohen me çmimet “Luani i Artë” për punën e tyre. (Fatosi)

foto nga CFP