foto nga CFP

”Nutella”, kremi i lajthisë i shitur në të gjithë botën, një ikonë e ”Ferrero”-s dhe e Made in Italy, mbushi 60 vjeç, kujton ATSH. Kremi më i famshëm i përhapur lindi zyrtarisht më 20 prill 1964, kur kavanozi i parë i ”Nutella”-s doli nga fabrika ”Ferrero” në Alba.

Ideja, megjithatë, kishte lindur në vitet 1920, kur familja Ferrero mendoi për një rostiçeri me çokollatë me çmim të ulët për ta ngrënë me bukë. Një ushqim që sipas Pietro Ferreros, ishte i përsosur për punëtorët që shkonin në fabrikë. Kremi me çokollatë bëhet krem lajthie për shkak edhe të disponueshmërisë së dukshme të lëndës së parë.

Në vitin 1946, kur mbërriti në dyqane, ajo quhej ”Giandujot” dhe kushtonte 4-5 herë më pak se çokollata tradicionale. Shitej me peshë dhe pritej në feta. Në vitin 1951 u bë ”Supercrema” dhe në vitin 1963, Michele Ferrero, djali i Pietros, vendosi ta tregtojë produktin në të gjithë Evropën.

Një vit më vonë del kavanozi i parë me ”Nutella”, nga emri lajthi dhe prapashtesa italiane ”ella”. Që atëherë 60 vite sukses. Në këto vite prodhimi ka arritur në 500 000 tonë në vit dhe shitet në 170 vende të botës.(Fatosi)