Stoltenberg NATO (foto ATSH)
Sekretari i Përgjithshëm i NATO-s, Jens Stoltenberg shpejtoi të lavdërojë votën e Dhomës së Përfaqësuesve, duke i quajtur miliardat e ndihmës ushtarake për Ukrainën një investim në sigurinë e shteteve të NATO-s, shkruan ATSH.
“Ukraina po përdor armë të furnizuara nga aleatët e NATO-s për të shkatërruar aftësitë luftarake ruse. Kjo na bën të gjithëve më të sigurt, në Evropë dhe Amerikën e Veriut”, shkroi ai në X.
Udhëheqësit e shteteve baltike përshëndetën gjithashtu votimin e Dhomës së Përfaqësuesve.
“Ditë e madhe për botën e lirë, ditë e madhe për Ukrainën”, shkroi presidenti letonez Edgars Rinkēvičs në X.
Kreu i qeverisë estoneze Kaja Kallas e përshkroi miratimin e ndihmës së SHBA-së për Ukrainën si një “vendim vendimtar dhe të drejtë… Shpresoj se ky votim do të inkurajojë të gjithë aleatët që të shqyrtojnë rezervat e tyre dhe të bëjnë më shumë.”
Kreu i shtetit lituanez Gitanas Nausėda në X e quajti votimin “një hap të rëndësishëm drejt fitores dhe të gjithë aleatët do të vazhdojnë ta mbështesin atë”, duke shtuar një flamur ukrainas në postim.