Flamujt e Iranit dhe IAEA (Foto Worldnuclearnews)
Shefi i Agjencisë Bërthamore të Iranit, Mohammad Eslami, riafirmoi përkushtimin e vendit ndaj aktiviteteve bërthamore që përputhen me bashkëpunimin e tij me Agjencinë Ndërkombëtare të Energjisë Atomike (IAEA), shkruan “Xinhua”.
Duke adresuar shqetësimet e IAEA-së për paqartësitë në programin bërthamor të Iranit, Eslami nënvizoi respektimin e Iranit ndaj marrëveshjes së masave mbrojtëse dhe Traktatit të Mospërhapjes, raportuan mediet lokale.
Eslami theksoi praninë e 120 inspektorëve të akredituar nga IAEA-ja që monitorojnë programin bërthamor të Iranit, me disa të stacionuar në Iran dhe të tjerë që kryejnë vizita të rregullta ose të befasishme në vendet bërthamore.
Në një konferencë të OKB-së në Nju Jork, drejtori i përgjithshëm i IAEA-së, Rafael Grossi, vuri në dukje se rezervat e uraniumit të pasuruar të Iranit, megjithëse janë në nivele jashtëzakonisht të larta, nuk barazohen me posedimin e një arme bërthamore.
Megjithatë, ai theksoi akumulimin e konsiderueshëm të materialit bërthamor në nivele pothuajse të barasvlefshme me shkallën e armëve, duke ngritur nevojën për një shqyrtim ndërkombëtar. (Irma)