Von der Leyen (Foto Atsh)
Presidentja e Komisionit Evropian, Ursula von der Leyen, ka dënuar sulmin e paprecedentë të Iranit ndaj Izraelit duke u bërë thirrje të gjitha palëve të tregojnë maturi, njofton “ATSH”.
“Dënoj fuqishëm sulmin flagrant dhe të pajustifikueshëm të Iranit ndaj Izraelit. I bëj thirrje Iranit dhe përfaqësuesve të tij që t’i ndërpresin menjëherë këto sulme. Të gjithë aktorët tani duhet të vetëpërmbahen nga përshkallëzimi i mëtejshëm dhe të punojnë për të rivendosur stabilitetin në rajon”,- shtoi von der Leyen në “X”.
Sipas ushtrisë izraelite, më shumë se 300 dronë dhe raketa u qëlluan në sulmin në shkallë të gjerë dhe se shumica prej tyre u kapën ndërsa ishin ende jashtë kufijve të Izraelit.
Vetëm një numër i vogël raketash goditën territorin izraelit dhe nuk pati viktima apo dëme të mëdha. (Fatosi)