Kryeministri izraelit, Benjamin Netanjahu (Foto RTSH)
Kryeministri izraelit, Benjamin Netanyahu, ka bërë të ditur se është caktuar një datë për një ofensivë izraelite në Rafah, pa e qartësuar se kur, bën të ditur “RTSH”.
“Sot mora një raport të detajuar mbi bisedimet në Kajro, ne po punojmë vazhdimisht për të arritur qëllimet tona, para së gjithash lirimin e të gjitha pengjeve tona dhe arritjen e një fitoreje të plotë ndaj Hamasit. Kjo fitore kërkon hyrjen në Rafah dhe eliminimin e batalioneve terroriste atje. Do të ndodhë, ka një datë”,- tha Netanyahu.
Ushtria izraelite më parë njoftoi njerëzit nga kudo tjetër në Gaza që të evakuoheshin në Rafah, në kufi me Egjiptin, duke e shpallur atë një zonë të sigurt.
Presioni ndaj izraelitëve është rritur nga komuniteti ndërkombëtar dhe Shtetet e Bashkuara për mos të pushtuar qytetin pa një plan specifik se si të mbahen të sigurt civilët atje. Rreth 600.000 fëmijë aktualisht janë strehuar në Rafah. (Elona)