Kryebashkiakja ne Ekuador (Foto Rtsh)

Kryebashkiakja Brigitte Garcia, së bashku me një anëtar tjetër të qeverisë lokale të San Vicente, që ndodhet në provincën e Manabi, në rajonin lindor të vendit, u qëlluan për vdekje.

Sipas policisë ekuadoriane, të dy trupat u gjetën të pajeta brenda një automjeti, teksa ishin qëlluar me armë zjarri.

Policia po heton në vendngjarje dhe po punon për nxjerrjen e sa më shumë provave.

Brigitte García ishte një politikane e re 27-vjeçare, anëtare e partisë Revolucioni Qytetar, me ideologji socialiste. Ish-presidenti Rafael Correa ishte lider në parti.

Ekuadori po lufton me bandat e armatosura, të cilat janë të angazhuara në trafikun e drogës dhe veprojnë kryesisht në bregdetin e Paqësorit të vendit. Në këtë rajon, banda të ndryshme po luftojnë me qeverinë për kontrollin e qytetit të Guayaquil.

Që nga janari 2024, pas arratisjes së liderit të bandës Los Choneros, presidenti Daniel Noboa shpalli gjendjen e jashtëzakonshme dhe kërkoi ndihmën e Forcave të Armatosura të Ekuadorit për të ndihmuar në zbatimin e ligjit, në luftimin e bandave të armatosura.

Ndërsa qeveria arriti të zbusë përkohësisht ndikimin e dhunës së bandave, ka pasur një rritje të dukshme të dhunës që synonte zyrtarët e zgjedhur. Pak muaj më parë u vra edhe kryebashkiaku i një qyteti tjetër bregdetar, Mantës. (Fatosi)