BE per Ukrainen (Foto Rtsh)

Udhëheqësit e BE-së pritet të ndërmarrin një hap të rëndësishëm drejt konfiskimit të fitimeve prej 27 miliardë eurosh të krijuara nga asetet shtetërore ruse të ngrira në Europë për të ndihmuar në financimin e Ukrainës.

Zyrtarët në Komisionin Europian janë gati të parashtrojnë atë që ata besojnë se është një propozim ligjërisht i fuqishëm që do të shqyrtohet nga vendet anëtare, ndoshta përpara një takimi të kryeministrave në Bruksel të enjten e ardhshme, shkruan “The Guardian”, citon “RTSH”.

Foto nga VCG

Rreth 300 miliardë dollarë që i përkasin Bankës Qendrore ruse janë ngrirë në Perëndim, kryesisht në valutë të huaj, ar dhe obligacione qeveritare. Rreth 70% e tyre mbahen në depozitimin qendror belg të letrave me vlerë “Euroclear”, ekuivalentin me 190 miliardë euro.

Depozitat e mbajtura në Evropë ka të ngjarë të gjenerojnë nga 15 miliardë deri në 20 miliardë euro fitime pas tatimit nga tani deri në fund të vitit 2027, në varësi të evolucionit të normave globale të interesit, deklaroi një zyrtar i lartë i BE-së. Këtë vit ato pritet të gjenerojnë mes 2 dhe 3 miliardë euro fitime, në varësi të ndryshimeve të mundshme të normave të interesit, para që më pas mund të shkojnë direkt në Ukrainë.

Foto nga VCG

Pritet që një pjesë e parave të mbahen në BE si pjesë e një fondi mbrojtjeje ndaj hakmarrjes së pritshme ligjore ruse në afat të gjatë. (Irma)