Diabeti (Foto Rtsh)
Ministrja shqiptare e Shëndetësisë dhe Mbrojtjes Sociale, Albana Koçiu, deklaroi se qeveria do të shtojë kategoritë përfituese të fishave të diabetit falas brenda vitit 2024.
“Lajmi i mirë është se po punojmë që brenda vitit 2024 të shtojmë kategoritë, të cilat do të përfitojnë fishat e diabetit falas”,- shkroi ministrja Koçiu në një postim në rrjetet sociale.
Aktualisht në Shqipëri janë rreth 54 mijë të sëmurë me diabet që mbështeten nga qeveria dhe MSHMS-ja për ndjekjen dhe ecurinë e sëmundjes.
Sipas ministres Koçiu, përfitimi falas i fishave të diabetit mundësohet edhe për fëmijët dhe të rinjtë deri në 25 vjeç.
Ministrja nënvizoi se me kontrollin mjekësor bazë falas mbështeten qytetarët e moshës 35 deri në 70 vjeç për diagnostikimin e hershëm të diabetit. (Fatosi)