Foto RTSH

Kryeministri Benjamin Netanyahu deklaroi se Izraeli nuk do të paguajë asnjë çmim për kthimin e pengjeve që ende mbahen në Rripin e Gazës, ndërsa negociatat vazhdojnë për lirimin e tyre, shkruan “RTSH”.

“Nuk jemi të gatshëm të paguajmë asnjë çmim. Ka shumë presion mbi Izraelin, nga brenda dhe jashtë vendit, për të ndaluar luftën përpara se të arrijmë të gjitha qëllimet tona, duke përfshirë një marrëveshje për lirimin e pengjeve me çdo kusht. Ne nuk jemi të gatshëm të paguajmë asnjë çmim, sigurisht jo koston delirante që Hamasi po na kërkon të paguajmë, që do të nënkuptonte humbjen e shtetit të Izraelit”, tha Netanyahu.

Kryeministri izraelit theksoi se rruga për lirimin e tyre është forcimi i presionit ushtarak ndaj Gazës dhe mposhtja e Hamasit. (Irma)