Raketa ne konfliktin Rusi-Ukraine (Foto Rtsh)

Raportohet se të paktën 60 trupa ruse janë vrarë pasi një zonë stërvitore në Ukrainën lindore të pushtuar u godit nga dy raketa.

Burime për “BBC”, cituar nga “RTSH” bënë të ditur se trupat ishin mbledhur në rajonin e Donetskut për mbërritjen e një komandanti të lartë.

Një zyrtar rus konfirmoi sulmin, por i përshkroi raportimet si shumë të fryra.

Sulmi thuhet se ndodhi disa orë përpara se presidenti rus, Vladimir Putin, të takohej me ministrin e Mbrojtjes, Sergei Shoigu.

Në takim, Shoigu pretendoi sukseset ruse në disa zona të vijës së frontit dhe foli për kapjen e fundit të qytetit të Avdiivkas, por nuk përmendi incidentin e rajonit të Donetskut.

Një ushtar që i mbijetoi incidentit tha gjatë një regjistrimi video se komandantët e brigadës i kishin bërë të qëndronin në një fushë të hapur.

Ata thuhet se u goditën nga dy raketa të lëshuara nga sistemi i lëshimit HIMARS i prodhuar në SHBA-ja.

Guvernatori i Transbaikal Alexander Osipov konfirmoi indirekt sulmin në kanalin e tij në “Telegram”, por tha se raportet në lidhje me të ishin të pasakta dhe jashtëzakonisht të fryra.

Pa dhënë shifrat e viktimave, ai tha se familjet e të gjithë ushtarëve të përfshirë do t'u jepeshin informacione të plota dhe të sakta. (Irma)