Ministri Balla (Foto Oranews)
Ministri i Brendshëm shqiptar, Taulant Balla, bëri të ditur se Policia e Shtetit po bashkëpunon me agjencitë partnere për fuqizimin e kapaciteteve në përballjen me krimet kibernetike, njofton “ATSH”.
Reagimi i ministrit Balla vjen pas arrestimit nga Policia e Tiranës të një 27-vjeçari, i cili shantazhonte online të miturën 15-vjeçe. Gjatë operacionit policor, u sekuestruan qindra pamje filmike në rrjetet sociale.
“Ngjarjet e fundit kanë rritur nevojën për të shtuar vigjilencën kundër dhunës, shantazheve e gjuhës së urrejtjes online”, shkruan ministri Balla.
Ai bëri të ditur se po bashkëpunohet me agjencitë partnere për fuqizimin e kapaciteteve në përballjen me këtë formë kriminaliteti.
Ministri Balla e shikon si domosdoshmëri bashkëpunimin me publikun. (Fatosi)