Zelensky/CFP

Ukraina tërhoqi trupat nga bastioni lindor i rrethuar i Avdiivka-s për të shpëtuar jetën e  ushtarëve të saj, tha të shtunën presidenti Volodymyr Zelensky, duke i dhënë Rusisë fitoren e saj më të madhe simbolike që nga muaji maj.

Tërheqja vjen pasi forcat ruse shtuan përpjekjet për të kapur qendrën industriale lindore në tetor, duke çuar në viktima dhe shkatërrime masive. Duke u përballur me mungesën e municioneve dhe numër më të madh të ushtarëve rusë në fushën e betejës, forcat ukrainase njoftuan se ishin tërhequr në orët e para të së shtunës.

Avdiivka/CFP

"Aftësia për të shpëtuar njerëzit tanë është detyra më e rëndësishme për ne." - tha Zelensky në Konferencën e Sigurisë në Mynih (MSC), duke shpjeguar këtë veprim.

"Për të shmangur rrethimin, u vendos që të tërhiqemi në linja të tjera. Kjo nuk do të thotë që njerëzit u tërhoqën disa kilometra dhe Rusia kapi diçka, ajo nuk mori asgjë.” - tha presidenti ukrainas.

Ndërkohë presidenti rus Vladimir Putin uroi njësitë ushtarake dhe komandantin e tyre të shtunën për pushtimin e qytetit ukrainas Avdiivka, njoftuan agjencitë ruse të lajmeve. (Xu Guang)