Foto nga VCG
Mbreti i Britanisë së Madhe, Charles III, ka ndjekur meshën në kishën në Sandringham, në daljen e tij të parë publike qëkur Pallati mbretëror njoftoi diagnostikimin e tij me kancer, shkruan “ATSH”.
Mbreti u shfaq i buzëqeshur dhe përshëndeti me dorë ndërsa po ecte jashtë kishës së Shën Maria Magdalenës me gruan e tij, mbretëreshën Kamila.
Rreth 100 dashamirës u mblodhën të dielën, ndërsa mbreti hyri në kishë. Turmat u mblodhën rreth portave të pronës private Norfolk, por nuk u lejuan të hynin në oborrin e kishës.
Mbreti është tërhequr nga të gjitha detyrat e tij ndërsa po trajtohet për kancerin.
Dalja publike vjen pasi mbreti falënderoi njerëzit të shtunën për mbështetjen dhe urimet e tyre të mira. Ai tha se të gjithë të prekurit nga kanceri e dinin se mbështetje të tilla janë ngushëllimi dhe inkurajimi më i madh. (Fatosi)