Në kulturën e pasur kineze, Festa e Pranverës nuk është vetëm më madhështorja, por shërben edhe si një metaforë kulturore. Kjo festë simbolizon bashkimin familjar, kulmin e përpjekjeve të një viti dhe shpresën për një vit të lumtur dhe të begatë në vijim. Por në shoqërinë bashkëkohore, ndryshimi i stileve të jetesës dhe ndryshimi i vlerave e kanë transformuar disi kuptimin dhe kremtimin e Festës së Pranverës. Në veçanti, për brezin e ri, festa dikur e pritur me padurim ka evoluar në një kohë të mbushur me presione, duke shkaktuar një fenomen të njohur si "fobia e Vitit të Ri".

Është bërë një ndërthurje komplekse emocionesh për të rinjtë e sotëm, nga njera anë nostalgjia për kujtimet e fëmijërisë dhe ngrohtësinë e mbledhjeve familjare dhe një pasqyrim i rasteve të rëndësishme të vitit të kaluar. Ndërsa kalojnë në moshë madhore, festa sjell sfida të reja për të rinjtë, nga të qenit dhurues në vend të marrësve të zarfeve të kuqe, deri te përballja me presionin e martesës dhe ndërtimit të karrierës nga anëtarët e familjes. Raportet e medias tregojnë se stresi mendor për shkak të pritjeve shoqërore, presioni ekonomik i dhënies së dhuratave dhe "fobia e Festës së Pranverës" kanë hedhur hije mbi rastin dikur të gëzueshëm për të rinjtë.

Teoria e konfliktit afrim-shmangie e psikologut gjermano-amerikan Kurt Lewin ofron një pasqyrë të këtij fenomeni. Ndërsa të rinjtë dëshirojnë ngrohtësinë e familjes dhe gëzimin e mbledhjeve festive dhe kërkojnë një atmosferë mbështetëse dhe gjithëpërfshirëse, ata mund të ndihen të mbingarkuar nga pesha e pritshmërive familjare, nga frika se nuk mund t'i përmbushin pritshmëritë e të moshuarve në lidhje me karrierën dhe martesën e tyre.

CFP

Mediat moderne përforcojnë ankthet që lidhen me presionin e martesës, krahasimet e të ardhurave dhe shpenzimet e tepërta, duke kontribuar në ankthin e vazhdueshëm tek të rinjtë e sotëm, duke prishur zonën e tyre të rehatisë dhe duke shkaktuar një ndjenjë frike. Me afrimin e Festës së Pranverës, konflikti i brendshëm që shkakton "fobia e Vitit të Ri" manifestohet gradualisht në mënyra të shumta. Në epokën e mbingarkesës së informacionit dhe përparimit teknologjik, të rinjtë bashkëkohorë luftojnë për të gjetur një ekuilibër midis traditës dhe modernitetit, individualizmit dhe vlerave familjare, pritshmërive shoqërore dhe vlerës personale.

Me rritjen ekonomike dhe të pasurisë materiale, dhuratat e shtrenjta dhe zarfet e kuqe me vlera të larta në para janë bërë një matës për fuqinë e marrëdhënieve dhe thellësisë së marrëdhënieve ndërpersonale. Ky presion i padukshëm shkakton ankth tek shumë të rinj, veçanërisht kur bisedat gjatë Festës së Pranverës sillen rreth pozicioneve profesionale, të ardhurave dhe arritjeve, duke i shtyrë ata të ndiejnë se po vlerësohen ose gjykohen. Diskutimet për tema të tilla si martesa dhe lindja e fëmijës ekspozojnë hendekun në rritje midis brezit të ri dhe prindërve të tyre, duke i bërë të rinjtë të ndiejnë se po cenohet liria e tyre.

Veç kësaj, ndërveprimet e shpeshta dhe shpesh sipërfaqësore sociale gjatë festës, veçanërisht me të afërmit më të moshuar, perceptohen nga të rinjtë thjesht si formalitete, duke ua pakësuar më tej ndjenjën e vlerës dhe duke kontribuar në "fobinë e Vitit të Ri". Për të adresuar fenomenin e “fobisë së Vitit të Ri”, ne propozojmë tre iniciativa kryesore.

Së pari, të rinjtë duhet të marrin drejtimin në formimin e një kulture të re të Festës së Pranverës, duke u bërë arkitektët e festimeve të tyre. Në vend që ta refuzojnë festën në mënyrë konjitive ose ta shmangin atë emocionalisht, ata mund të përpiqen të zbulojnë dhe vlerësojnë traditat e tyre familjare dhe të marrin pjesë në festimet e tyre.

CFP

Merrni si shembull zarfet e kuqe. Ato përfaqësojnë bekimet e pleqve. Të tilla bekime, ose zarfe të kuq, mund të jepen gjithashtu nëpërmjet mjeteve novatore, duke përfshirë përshëndetjet multimediale, një kod QR që përmban piktura të krijuara vetë, letra dhe video për një bekim të përzemërt.

Në fund të fundit, një Festë pranverore e drejtuar nga të rinjtë do të jetë më emocionues dhe festiv.

Së dyti, familjet moderne duhet të përshtaten me kohën dhe të krijojnë një atmosferë familjare më të relaksuar. Pavarësisht “fobisë së Vitit të Ri”, shtëpia mbetet spiranca për të rinjtë; është një vend i shenjtë për shpirtrat e tyre dhe një mbrojtës kundër stresit shoqëror. Duke pranuar realitetin, për sa i përket karrierës dhe të ardhurave të të rinjve  dhe duke ofruar mbështetje, familjet mund t'i ndihmojnë të rinjtë të përballen më mirë me sfidat e ardhshme. Prindërit mund të eksplorojnë në mënyrë proaktive qytetin ku punojnë fëmijët e tyre, jo vetëm duke pritur që ata të kthehen në shtëpi për Vitin e Ri. Kur përfitimet psikologjike të kthimit në shtëpi për Festën e Pranverës tejkalojnë stresin e mundshëm, të rinjtë natyrisht do t'i përqafojnë festimet me gjithë zemër.

CFP

Dhe së treti, shoqëria bashkëkohore duhet të jetë më e hapur dhe gjithëpërfshirëse, duke ruajtur zakonet dhe festimet tradicionale dhe duke përdorur mënyra novatore për të festuar Vitin e Ri. Ndërsa traditat mijëra vjeçare duhet të ruhen, nuk është e nevojshme t'i përmbaheni rreptësisht çdo zakoni. Ndërkohë që ruhet besimi kulturor, është thelbësore të mirëpresim idetë e reja nga brezi i ri dhe të respektojmë qasjen e tyre të re.

Duke përdorur përparimet teknologjike, ne mund të tregojmë historinë e Vitit të Ri Hënor Kinez në një gjuhë universale. Duke përqafuar Festën e Pranverës në vend që t'i nënshtrohen frikës së presionit të shoqërisë, të rinjtë mund të largojnë në mënyrë efektive frikën nga presioni i martesës, pritshmëritë familjare, stresi ekonomik dhe shpenzimet e detyrueshme sociale. Duke mos lejuar që këto presione të pushtojnë mendjen, të rinjtë mund ta zhdukin gradualisht ankthin e tyre. Kjo do të hapë rrugën për shfaqjen e një kulture të rigjallëruar të Festës së Pranverës, duke i lejuar të gjithë të marrin pjesë me gjithë zemër në festime.

Autorë të artikullit  Wang Bin, profesor i asociuar i psikologjisë në Universitetin e Shkencës dhe Teknologjisë Jugperëndimore. Fu Haojie është një kandidat për doktoraturë në Universitetin Tongji.

CFP