Te burgosurit palestineze (Foto Dailysabah)
Ushtria izraelite liroi 114 palestinezë përmes kalimit Kerem Shalom në Rripin jugor të Gazës, të cilët u arrestuan gjatë operacionit tokësor.
Një burim palestinez i sigurisë në autoritetin kufitar në Gaza tha për “Xinhua” se disa nga palestinezët e liruar u transferuan në spitalin Najjar në qytetin Rafah për shkak të përkeqësimit të gjendjes së tyre shëndetësore.
Gjatë operacionit tokësor në Rripin e Gazës, ushtria izraelite arrestoi qindra palestinezë dhe i transferoi në vende të panjohura, sipas monitorimit të të drejtave të njeriut “Euro-Med”.
Disa prej të liruarve, që u kontaktuan nga “Xinhua” gjatë qëndrimit në spital, thanë se ishin rrahur, poshtëruar dhe torturuar, një pretendim që nuk është verifikuar. (Irma)