Transparency International (Foto ATSH)
Danimarka, Finlanda, Zelanda e Re dhe Norvegjia janë vendet më pak të korruptuara në botë, sipas “Indeksit të Perceptimit të Korrupsionit” të publikuar nga organizata “Transparency International”.
Gjermania mbetet në vendin e nëntë në renditje, e cila bazohet në vlerësimet e drejtuesve, ekspertëve dhe institucioneve.
Në fund të listës janë renditur vendet e rrënuara nga kriza si Siria, Venezuela dhe Somalia, shkruan “ATSH”.
“Aty ku sundimi i ligjit, media e pavarur dhe grupet e shoqërisë civile janë dobësuar, korrupsioni lulëzon”,- tha Alexandra Herzog, drejtuese e “Transparency International”.
Raporti iu referua si shembull Hungarisë, e cila nën drejtimin e Viktor Orban ka zbritur në vendin e 76-të në renditje, renditja më e dobët mes vendeve të Bashkimit Europian. (Elona)