CFP

Prodhuesi kinez i makinave “Chery” nisi shitjen e modelit të parë të automjeteve elektrike (EV) në Izrael, njoftoi shitësi i saj zyrtar izraelit “Freesbe”, shkruan “Xinhua”.

“Chery” hyri për herë të parë në tregun izraelit në nëntor 2022 me tre modele me benzinë dhe u rendit e shtata në listën e përgjithshme të shitjeve të makinave në Izrael vitin e kaluar.

Modeli i ri elektrik i ofruar tani në Izrael është ndërthurrja kompakte e “Chery” SUV FX EV, versioni elektrik i FX me benzinë, i cili tashmë është shitur në Izrael dhe ofrohet në vende të tjera si Omoda 5.

“Chery” e zbuloi modelin elektrik në “Auto Shanghai 2023” prillin e kaluar dhe publikoi më shumë detaje në mes të tetorit.

Modeli elektrik arrin një distancë maksimale prej 430 km, një shpejtësi deri në 172 km/orë dhe është i pajisur me një bateri 61.1 kWh.

Sipas të dhënave nga Shoqata e Importuesve të Automjeteve të Izraelit, markat kineze përbënin 60.98 për qind të shitjeve të automjeteve elektrike të Izraelit në vitin 2023, me 29.402 njësi të shitura, më shumë se dyfishi i numrit prej 13.294 në vitin 2022.

Sipas të dhënave, modeli i ndërthurur nënkompakt Atto 3 i prodhuar nga “BYD Auto” i Kinës ishte makina elektrike më e shitur në Izrael në vitin 2023, ndërsa ndërthurja kompakte “Geometry C” nga “Geely Auto Group” i Kinës u rendit i dyti. (Fatosi)