Foto ATSH
Qeveria amerikane bëri të ditur se rregullatorët e linjave ajrore nuk do të nxitojnë të zëvendësojnë aeroplanët Boeing 737 Max 9, pas një incidenti në ajër ku iku dera e avionit gjatë fluturimit.
Avionët, të cilët u pezulluan në SHBA pas një incidenti në një fluturim të “Alaska Airlines” duhet të jenë 100% të sigurt”,- deklaroi sekretari i Transportit, Pete Buttigieg, shkruan “RTSH”.
Ende nuk dihet se kur aeroplanët do të lejohen të fluturojnë përsëri.
Shefi i “Boeing”, Dave Calhoun, deklaroi se incidenti është shkaktuar nga disa dështime në kontrollin e cilësisë.
Administrata Federale e Aviacionit të SHBA-së (FAA) ndaloi 171 avionë Boeing të shtunën, të cilët u instaluan me të njëjtin panel pasi fluturimi i “Alaska Airlines” u detyrua të bënte ulje emergjente të premten.
Askush nuk u lëndua kur dera e kabinës u shkëput gjatë fluturimit të avionit të nisur nga Portland, në Oregon. (Irma)