Viktor Orban (Foto Businessinsider)
Hungaria mund të heqë veton që i vendosi muajin e shkuar paketës europiane të ndihmave për Ukrainën, nëse financimet për Ukrainën rishikohen çdo vit.
Gazeta “Politico”, cituar nga “RTSH”, raportoi se nëse Këshilli i Europës bie dakord të miratojë financimet për Ukrainën në bazë vjetore, kryeministri hungarez Viktor Orban, i cili bllokoi paketën europiane me vlerën e 50 miliardë eurove, mund të heqë veton që vendosi ndaj saj.
Këtë propozim Hungaria e paraqiti gjatë një takimi të ekspertëve buxhetorë të BE-së që u mbajt javën e kaluar dhe që i është paraqitur presidencës belge të këshillit. Por, nëse ky propozim pranohet nga vendet e bllokut, ai mund t’i japë Orbanit pushtetin që të bllokojë çdo vit financimet europiane. (Elona)