Banka e Shqiperise (Foto Atsh)

Bankat me kapital shqiptar shënuan zgjerim në tregun bankar vendas gjatë vitit 2023.

Banka e Shqipërisë bëri të ditur se në fund të 9-mujorit 2023 bankat me kapital vendas zotëronin 34.9% të aktiveve totale të sektorit bankar.

Që nga fillimi i vitit 2023, pesha e bankave vendase në treg u rrit me 1.1 pikë përqindje, ndërsa që prej vitit 2015, kur nisi cikli i shitblerjeve në sektorin bankar, pjesa e tregut e bankave vendase është rritur me më shumë se dy herë, shkruan “ATSH”.

Aktualisht, në sistemin bankar operojnë 11 banka, 5 nga të cilat janë me kapital mbizotërues shqiptar.

Rritja e peshës së bankave me kapital vendas në tregun bankar është njëkohësisht rezultat i procesit të shitblerjeve, por edhe i rritjes organike të përmasave të aktivitet.

Mbështetur në të dhënat paraprake të BSH-së, gjatë 9-mujorit 2023 është shënuar një rënie e pjesës së tregut për shumicën e bankave me kapital të huaj. (Irma)