Eurozona (Foto Atsh)

Sektori privat i Eurozonës u tkurr për muajin e shtatë radhazi, sipas të dhënave të kompanisë së të dhënave mbi tregjet globale, ekonominë dhe kredinë “S&P Global”. Indeksi i Përbërë i Prodhimit të Eurozonës mbeti i qëndrueshëm në 47.6 në muajin dhjetor. Vlerësimi i hershëm ishte 47.

Sondazhi tregoi se kërkesa për produkte dhe shërbime vazhdoi të dobësohej, ndërsa nivelet e punësimit ranë përsëri.

Pritshmëritë për rritjen e bizneseve u përmirësuan duke arritur nivelin më të lartë për shtatë muaj radhazi, përcjell “ATSH”.

Inflacioni i ngarkesës së prodhimit u përshpejtua në nivelin më të lartë të gjashtë muajve.

Indeksi i menaxherëve të blerjeve u rrit pjesërisht në 48.8 në dhjetor, krahasuar me 48.7 në nëntor. Shifra ishte shumë më e lartë se vlerësimi i hershëm prej 48.1.

“Ky indeks, një tregues i besueshëm i performancës së përgjithshme ekonomike, po jep alarmin e recesionit për Eurozonën”,- deklaroi kryeekonomisti i Bankës Tregtare të Hamburgut, Cyrus de la Rubia, i cili theksoi se parashikohet një tkurrje e njëpasnjëshme në sektorin e prodhimit për tremujorin e katërt.

Gjermania dhe Italia mbetën në një gjendje ngecjeje ekonomike. Sektori i shërbimeve në Francë regjistroi performancën më të keqe.

Indeksi i përbërë i prodhimit u ngjit në 50.4, krahasuar me 49.8 një muaj më parë. (Irma)