Nderimi i Policise se Shtetit (Foto Rtsh)
Ministria e Brendshme e Mbretërisë së Bashkuar i ka akorduar Policisë së Shtetit të Shqipërisë Çmimin e Ekselencës 2023, duke vlerësuar përpjekjet dhe burimet e vendosura në bashkëpunimin me operacionet ndërkombëtare, shkruan “RTSH”.
Ministri i Brendshëm shqiptar, Taulant Balla, deklaroi se lufta për spastrimin e vatrave të krimit përballë dhe brenda vetë Policisë së Shtetit do ta çojë Shqipërinë në një tjetër nivel të sundimit të ligjit.
“Forcimi i bashkëpunimit me agjencitë ligjzbatuese në Shqipëri, Interpol, Europol, Eurojust, Frontex, agjencitë e vendeve partnere dhe lufta e përbashkët për spastrimin e vatrave të krimit përballë dhe brenda vetë Policisë së Shtetit, do ta çojë Shqipërinë në një tjetër nivel të sundimit të ligjit”,- deklaroi ministri Balla. (Irma)