Foto nga VCG

Zyra Kombëtare e Statistikave e Kinës publikoi të hënën të dhënat, bazuar në llogaritjet paraprake, sipas të cilave PBB-ja e vendit në gjysmën e parë të vitit ishte 59.3034 miliardë juanë. E llogaritur me çmime konstante, kjo shënon një rritje 5.5 % krahasuar me të njëjtën periudhë të vitit të kaluar dhe 1 pikë përqindjeje më shumë se në tremujorin e parë.

Në gjysmën e parë të vitit, prodhimi i përgjithshëm kombëtar i drithit veror ishte i mbarë, duke arritur 146.13 milionë tonë, vlera e dytë më e lartë në histori.

Po në gjashtë muajt e parë të vitit, vlera e përgjithshme e importit dhe eksportit të mallrave ishte 20 trilionë e 101 miliardë e 600 milionë juanë, me një rritje 2.1 % krahasuar me gjysmën e parë të vitit të kaluar. Eksportet ishin 11 trilionë e 458 miliardë e 800 milionë juanë, me një rritje prej 3.7 %, ndërsa importet 8 trilionë e  642 miliardë e 900 milionë juanë, një rënie prej 0.1 %, duke çuar kështu në një suficit tregtar prej 2 trilionë e 815 miliardë e 900 milionë juanë.

Foto nga VCG

Gjithashtu, në gjysmën e parë të vitit, treguesi kombëtar i çmimeve të konsumit (CPI) u rrit me 0.7 %. Në të gjithë vendin, shkalla mesatare e papunësisë urbane e anketuar ishte 5.3 %, ndërsa të ardhurat e disponueshme për frymë arritën 19.672 juanë, me një rritje nominale prej 6.5 % krahasuar me të njëjtën periudhë vjet.

Në përgjithësi, në gjysmën e parë të vitit, ndërsa ekonomia dhe shoqëria rifilluan plotësisht funksionimin normal dhe makropolitikat u bënë më efektive, ekonomia kombëtare u rimëkëmb dhe zhvillimi me cilësi të lartë përparoi në mënyrë të qëndrueshme.