Pas një udhëtimi prej më shumë se dhjetë ditësh, qindra tonë fara hibride orizi nga provinca Anhui e Kinës lindore mbërritën në Pakistan në janar. Këto fara do të zënë rrënjë në tokën atje në maj.

Foto: VCG

“Ne eksportuam pothuajse 5000 tonë fara hibride orizi në Pakistan çdo vit dhe rendimenti i disa varieteteve arriti në 800 kg për mu (0.067 hektarë), rreth 30 për qind më i lartë se varietetet vendase”,- tha Jiang Sanqiao, zëvendësmenaxher i përgjithshëm i “Win-all Hi-tech Seed Co., Ltd.”, prodhuesi i këtyre farave.

Përveç Pakistanit, kompania eksportoi gjithashtu fara orizi hibride në disa vende të tjera, duke përfshirë Bangladeshin dhe Angolën, shtoi Jiang.

Si prodhuesi më i madh i ushqimit dhe eksportuesi i tretë më i madh i ushqimit në botë, Kina i është përkushtuar promovimit të farave kineze të orizit dhe teknikave të mbjelljes në më shumë vende dhe duke kontribuar në pjesën e saj në ruajtjen e sigurisë globale të ushqimit, citon “Xinhua”.

Në vitin 1979, orizi hibrid filloi të prezantohej në botë, duke përfituar rreth 70 vende në pesë kontinente. Ky ka qenë një kontribut i jashtëzakonshëm në rritjen e prodhimit të tyre të grurit dhe zhvillimin e bujqësisë dhe ofroi një zgjidhje kineze për mungesën e ushqimit në vendet në zhvillim.

Ndërsa promovon varietetet e orizit me rendiment të lartë, Kina po ndan gjithashtu teknikat bujqësore dhe forcon bashkëpunimin shkencor me vendet e tjera, për të ndihmuar në kultivimin e varieteteve të orizit që janë më të përshtatshme për kushtet lokale.

Pas vitesh kërkimesh dhe testesh, Botsvana nisi një ceremoni për të festuar korrjen e orizit kinez që kursen ujin dhe rezistues ndaj thatësirës në vendin e Afrikës jugore vitin e kaluar.

Foto: VCG

Kjo shumëllojshmëri orizi është gjithashtu më e përshtatshme dhe miqësore me mjedisin. Tani, kjo shumëllojshmëri është prezantuar në 11 vende afrikane, duke sjellë rendimente dhe të ardhura më të larta për fermerët vendas.

Për të promovuar teknikat hibride të mbjelljes së orizit, Kina ka dërguar një numër të madh ekspertësh bujqësorë në dhjetëra vende dhe rajone.

Në vitin 2015, “Win-all Hi-tech Seed Co., Ltd.” krijoi një degë në Bangladesh për të kultivuar varietete të reja orizi dhe për të nisur bashkëpunimin shkencor me njerëzit vendas. Lian Chengye, menaxher i përgjithshëm i kompanisë së degës, tha se ata nisën një projekt të ri në vitin 2022, i cili përfshin ngritjen e laboratorëve shkencorë, një depo për farat dhe një punëtori për përpunimin e farave, me qëllim promovimin e teknologjive të avancuara bujqësore në Bangladesh. (Irma)