Foto nga VCG
Shitjet me pakicë në internet të produkteve bujqësore në Kinë vlerësohet se patën një rritje prej rreth 10 për qind në vitin 2022, pasi sektori i bujqësisë përqafoi më tej tregun në lulëzim të tregtisë elektronike.
Biznesi i fuqishëm i tregtisë elektronike bujqësore është ndërtuar mbi industrinë në rritje të përpunimit të produkteve bujqësore të vendit. Kjo industri pati një rritje prej rreth 4 për qind në të ardhurat e firmave të mëdha në vitin 2022, tha Zeng Yande, zyrtar në Ministrinë e Bujqësisë dhe Çështjeve Rurale, citon “Xinhua”.
Sipas tij, mbi 16.000 objekte për ngrirjen dhe ruajtjen e produkteve bujqësore u ndërtuan gjatë vitit të kaluar.
Të dhënat zyrtare tregojnë se shitjet me pakicë në internet në Kinë u rritën me 4 për qind në baza vjetore në 2022, në afro 13.8 trilionë juanë (rreth 2 trilionë dollarë amerikanë), duke konsoliduar statusin e saj si tregu më i mirë i shitjes me pakicë në internet në planet.
Gjithsej 50 parqe industriale bujqësore moderne u krijuan në mbarë vendin vitin e kaluar dhe 200 fshatra rurale u njohën si liderë kombëtarë për sa i përket konkurrencës së tyre të fortë në sektorë të caktuar të industrisë bujqësore, sipas Zeng.
Zhvillimi i shpejtë i industrive në zonat rurale ka çuar në rritjen e të ardhurave për banorët vendas, të cilët panë se të ardhurat e tyre mesatare të disponueshme për frymë u rritën me 4.2 për qind në baza vjetore në vitin 2022, duke ngushtuar më tej hendekun me atë të banorëve urbanë. (Irma)