Rusia: Inteligjenca amerikane, e përfshirë në studimet biologjike ushtarake në Ukrainë
2022-12-26 15:40:46

Foto: Xinhua

Ministria ruse e Mbrojtjes zbuloi të shtunën informacione të pjesëmarrësve të rangut të lartë të SHBA-së në studimet biologjike ushtarake në Ukrainë, shumë prej të cilëve janë të lidhur me shërbimet e inteligjencës amerikane ose kompanitë farmaceutike.

Igor Kirillov, shefi i Forcave të Mbrojtjes Kimike dhe Biologjike të Forcave të Armatosura Ruse, tha në një konferencë se ministria ka një dokument me emrat e të gjithë zyrtarëve kryesorë të SHBA-së që mbikëqyrin programet biologjike ushtarake të Ukrainës, përcjell “Xinhua”.

Të përfshirët janë Kenneth Myers, ish-drejtor i Agjencisë për Reduktimin e Kërcënimeve të Mbrojtjes në Departamentin e Mbrojtjes të SHBA-së; Tara O'Toole, nënkryetare ekzekutive e “In-Q-Tel”, një firmë kapitale sipërmarrëse e kontrolluar nga Agjencia Qendrore e Inteligjencës; Thomas Frieden, ish-drejtor i Qendrave të SHBA-së për Kontrollin dhe Parandalimin e Sëmundjeve dhe të tjerë, sipas Kirillov.

Ekzekutuesit e programeve biologjike ushtarake janë Instituti ukrainas i Kërkimeve kundër Murtajës “Mechnikov”, Instituti i Mjekësisë Veterinare dhe Instituti Kërkimor i Epidemiologjisë dhe Higjienës në Lviv, tha ai.

Kirillov tha në qershor se Pentagoni pranoi se Shtetet e Bashkuara kishin mbështetur 46 objekte kërkimore biologjike në Ukrainë. (Elona)