“SenseTime” është një kompani kineze që operon në tregun e Arabisë Saudite në fushën e inteligjencës artificiale. Bazuar në përvojën e saj në Kinë për zhvillimin e programeve arsimore të inteligjencës artificiale për shkollat fillore dhe të mesme, trajnimin profesional dhe profesionistët, “SenseTime”, në bashkëpunim me Autoritetin Saudit të të Dhënave dhe Inteligjencës Artificiale, prezantoi Programin e Arsimit të Inteligjencës Artificiale Saudite.

Një kompani lider e inteligjencës artificiale bëri të ditur se shpreson të sjellë praktikat më të mira nga Kina në Arabinë Saudite për të ofruar mbështetje teknologjike për transformimin ekonomik të vendit arab, sipas Vizionit Saudit 2030.

“Ne kemi shumë plane në Arabinë Saudite dhe jemi plot besim në treg”,- tha George Huang, drejtori ekzekutiv i “International Business Group” në “SenseTime”, një kompani e inteligjencës artificiale e krijuar në Rajonin e Posaçëm Administrativ të Hong Kongut.

Në bashkëpunim me Autoritetin Saudite të të dhënave dhe të Inteligjencës Artistike, SenseTime paraqet Programin e Arsimit të AI Saudite për të siguruar një program të përgjithshëm të AI për mësuesit dhe studentët anembanë vendit. [Fotografia u ofrua chinadaily.com.cn]

Duke vënë në dukje se teknologjia është një shtyllë e fortë e Vizionit 2030, strategjisë kombëtare të Arabisë Saudite për të diversifikuar ekonominë e saj, Huang tha se shumë nga zgjidhjet e inteligjencës artificiale të “SenseTime” janë testuar në tregun kinez dhe teknologjia e saj mund të jetë një mundësi për shumë industri në Lindjen e Mesme, veçanërisht në Arabinë Saudite.

“Besoj se jemi kompania e parë e inteligjencës artificiale që kemi marrë fond investimi direkt nga Fondi Sovran i Pasurisë (PIF) për themelimin e një kompanie në Arabinë Saudite.

Kjo është një njohje për ne dhe e bën më të rëndësishme që të zbatojmë planet tona dhe ta sjellim praktikat më të mira nga Kina”,- tha Huang, duke iu referuar Fondit të Investimeve Publike të Arabisë Saudite.

“SenseTime” ndodhet në Arabinë Saudite që nga viti 2018, ku ka një sipërmarrje të përbashkët me Fondin Sovran të Pasurisë për të ofruar zgjidhje të inteligjencës artificiale në një sërë industrish, duke zhvilluar ekosistemin dhe talentin lokal.

Në shtator, për shembull, sipërmarrja e përbashkët, “SenseTime MEA”, krijoi bashkëpunim me Kompaninë Saudite për Inteligjencën Artificiale, sipas së cilës do të marrë 776 milionë rijalë sauditë (206 milionë dollarë) nga kjo e fundit dhe do të ndërtojë një laborator lokal të inteligjencës artificiale të nivelit të lartë.

Bazuar në përvojën e saj në Kinë për zhvillimin e programeve arsimore të inteligjencës artificiale për shkollat fillore dhe të mesme, trajnimin profesional dhe profesionistët, “SenseTime”, në bashkëpunim me Autoritetin Saudit të të Dhënave dhe Inteligjencës Artificiale, prezantoi Programin e Arsimit të Inteligjencës Artificiale Saudite. Programi ofron një kurrikulë gjithëpërfshirëse të Inteligjencës Artificiale për mësuesit dhe studentët në të gjithë vendin.

Huang, gjithashtu drejtor ekzekutiv i përkohshëm i “SenseTime MEA”, tha se programi ka trajnuar rreth 100 mësues, prej tij kanë përfituar rreth 600 studentë në fazën e parë dhe kompania synon ta përçojë frymën te mbi 30.000 studentë dhe të trajnojë rreth 2000 mësues në total.

Duke jetuar në Arabinë Saudite për katër vjet, Huang tha se ai mund të ndjejë kërkesën urgjente në Arabinë Saudite për të rritur sektorin e saj të teknologjisë dhe për të promovuar digjitalizimin, pasi vendi synon të reduktojë varësinë e tij nga nafta, duke u zhvilluar në një shoqëri të gjallë me një ekonomi të lulëzuar, sipas kornizës së Vizionit 2030.

Huang tha se në Arabinë Saudite ka ndodhur një transformim i jashtëzakonshëm gjatë viteve të fundit. Për shembull, gratë tani mund të drejtojnë makinat e tyre dhe të marrin role udhëheqëse në vendin e punës.

Për më tepër, sipas Huang, Arabia Saudite është tashmë një shoqëri shumë e gjallë, duke pasur parasysh popullsinë e saj të re.

Arabia Saudite ka një nga popullsitë më të reja në botë, me mbi 60 për qind të njerëzve të saj të moshës nën 30 vjeç.

Shkalla e depërtimit të internetit në vend arriti në më shumë se 98 për qind në fund të vitit 2021, sipas një raporti të Komisionit të Komunikimit dhe Teknologjisë së Informacionit.

Huang tha se sheh mundësi të mëdha për teknologjinë e inteligjencës artificiale në fusha të tilla si kultura dhe turizmi, kujdesi shëndetësor dhe qytetet inteligjente.

Sipas agjencisë shtetërore të shtypit, Kina dhe Arabia Saudite nënshkruan një partneritet strategjik për bashkëpunim në fushat e ekonomisë digjitale.

“Për bashkëpunimin e biznesit ndërmjet kompanive të ndryshme, është e rëndësishme të kemi mirëkuptim dhe respekt të ndërsjellë për kulturën e njëri-tjetrit”,- tha Huang.

Duke vënë në dukje se sipërmarrja e përbashkët në Riad mbulon të gjithë rajonin e Lindjes së Mesme dhe Afrikës së Veriut, Huang tha se shpreson që projektet e “SenseTime” në Arabinë Saudite të mund të zgjerohen më tej në pjesën tjetër të tregut MENA.