foto/VCG
Presidenti francez Emmanuel Makron premtoi të shtunën se do të ndjekë kërkimin e naftës dhe gazit të gjigantit francez të energjisë “ Total Energies” në Liban për të siguruar punën e tij të vazhdueshme, njoftoi përmes një deklarate presidenca e Libanit.
Gjatë një bisede telefonike me homologun e tij libanez Michel Aoun, presidenti Makron tha se: "Ju mund të mbështeteni në angazhimet e kompanisë “Total Energies” dhe unë do ta ndjek këtë çështje." Udhëheqësit e Libanit dhe Izraelit njoftuan të martën se të dy vendet kishin rënë dakord për të zgjidhur një mosmarrëveshje të gjatë dekadash mbi kufirin e tyre detar në Mesdheun Lindor. Të enjten, presidenti i Libanit Michel Aoun njoftoi miratimin nga Libani të versionin përfundimtar të marrëveshjes së propozuar nga i dërguari i ShBA-së për energjinë Amos Hochstein për të demarkuar kufijtë detarë me Izraelin.
Marrëveshja i jep kompanisë “Total Energies” të drejta eksplorimi në fushën e gazit Qana. Sipas marrëveshjes, Qana do të vendosej kryesisht brenda Libanit, megjithëse kompania “ Total Energies” do të ndajë disa fitime me Izraelin.
Nga ana e tij, presidenti Aoun theksoi rëndësinë e nënshkrimit të marrëveshjes për demarkacionin e kufirit për të filluar operacionet e kërkimit dhe më pas nxjerrjen e naftës dhe gazit. "Kjo do të ketë një ndikim pozitiv në stabilitetin e Libanit dhe ringjalljen e ekonomisë në gjendjen aktuale të vështirë," - tha presidenti Aoun. (Fang Xiaoyu/Laçi)