Foto nga VCG
NASA shtyu përpjekjen e saj të dytë të nisjes së misionit hënor Artemis I, për shkak të një problemi të rrjedhjes, njofton “Xinhua”.
Artemis I është testi i parë i integruar i sistemeve të eksplorimit të hapësirës së thellë të NASA-s, duke përfshirë anijen kozmike Orion, një raketë të Sistemit të Nisjes Hapësinore dhe sistemet tokësore në Qendrën Hapësinore “Kennedy” në Florida.
Përpjekja e dytë e lëshimit ishte caktuar për të shtunën, pasi përpjekja e parë e planifikuar fillimisht për 29 gusht u anulua për shkak të një problemi me motorin.
“Gjatë provave u shfaq një rrjedhje në anën e furnizimit të shkëputjes së shpejtë, në përpjepje për të transferuar karburantin në raketë. Ekipet u përpoqën të rregullonin një problem në lidhje me një rrjedhje në harduerin që transferonte karburantin në raketë, por dështuan”,- shkroi NASA në “Twitter”.
Testi i fluturimit Artemis I është një mision pa ekuipazh rreth Hënës që do të hapë rrugën për një test fluturimi me ekuipazh dhe eksplorimin e ardhshëm njerëzor të Hënës si pjesë e programit hënor “Artemis” të NASA-s. (Fatosi)