Vaksina anti-Covid (Foto Abc11.com)

Numri i rasteve me Covid-19 në mbarë botën e ka kaluar shifrën 600 milionë, bëhet e ditur nga të dhënat e publikuara nga Organizata Botërore e Shëndetësisë.

Deri të enjten, OBSH-ja raportoi se ka pasur 600.555.262 raste të konfirmuara të Covid-19 në rang global, duke përfshirë 6.472.914 vdekje, citon “Xinhua”.

Shtetet e Bashkuara kanë numrin më të lartë kumulativ të rasteve dhe vdekjeve të konfirmuara, me më shumë se 93.21 milionë raste dhe mbi 1.03 milionë vdekje. Së bashku, këto përbëjnë gati 15 për qind të totalit global.

Vendet me shifrat më të larta janë edhe India e Brazili, që kanë konfirmuar raste që tejkalojnë 44 milionë dhe 34 milionë respektivisht, si dhe 527.911 dhe 683.851 vdekje.

Për sa i përket zyrave rajonale të OBSH-së, Evropa dhe Amerika deri më tani kanë raportuar më shumë se 248 milionë e 175 milionë raste të konfirmuara, si dhe 2.077.355 dhe 2.817.530 vdekje, respektivisht. Të dy rajonet së bashku përbëjnë mbi 70 për qind të totalit të rasteve të konfirmuara në botë dhe mbi 75 për qind të vdekjeve.

Megjithëse numri javor i rasteve dhe vdekjeve të reja Covid-19 ka vazhduar të bjerë, shefi i OBSH-së, Tedros Adhanom Ghebreyesus, deklaroi javën e kaluar se bota kishte kaluar pikatën tragjike të një milion vdekjeve të raportuara deri më tani këtë vit.

OBSH-ja u ka bërë thirrje të gjitha vendeve në të gjitha nivelet e të ardhurave që të vaksinojnë personat që janë më në rrezik dhe të sigurojnë qasje në trajtimin që shpëton jetë, duke vazhduar testimin dhe renditjen e virusit. (Irma)