Gjatë kohës së organizimit të Panairit të Guangzhout, shumica e hoteleve të Guangzhout përgatitin autobusë të posaçëm për vizitorët, të cilët mund të shkojnë dhe të kthehen sipas orarit të përcaktuar nga hoteli ku ndodhen. Kjo është mënyra më e lehtë për të shkuar në panair. Sepse gjatë kohës së organizimit të panairit, numri i taksive në qytetin e Guangzhout është i pamjaftueshëm dhe për të marrë taksi duhet pritur shumë e duhet zënë radhë. Ka edhe taksi të paregjistruara, por këto taksi kërkojnë pagesë të madhe dhe nuk janë shumë të sigurta.