[foto nga 东方IC]

Duket se titujt kryesorë për ndarjen e çmimeve Grammy dominohen nga Sam Smith. Këngëtari britanik i muzikës 'soul' grumbulloi katër çmime. Albumi i tij 'Stay With Me' u vlerësua si albumi i vitit.

"Dua të them se përpara se të regjistroja këtë album po bëja gjithçka që muzika ime të dëgjohej. U përpoqa të dobësohem dhe të bëj muzikë të tmerrshme. U desh që të filloja të isha vetvetja, atëherë muzika filloi të rrjedhë lirshëm dhe njerëzit ta dëgjonin," tha Smith pasi mori çmimin.

Këngëtari u nderua gjithashtu me çmimin 'artisti më i mirë i rrymës pop' për "In The Lonely Hour." Smith thotë se ndihet krenar duke qenë vetvetja.

Pharrell William ishte gjithashtu një ndër artistët dominues të mbrëmjes. Ai u nderua me çmimin 'kënga më e mirë pop solo' për "Happy."

Këtë vit shfaqja e ndarjes së çmimeve përmbante 23 këndime live, me artistë si Beyonce, Madonna, Pharrell Williams, Sam Smith, Kanye West, Annie Lennox, Hozier, Sia dhe shumë të tjerë. (Leftion Peristeri)