Mesazhi i "The Rolling Stones" për Krishtlindje

Grupi britanik i rokut 'The Rolling Stones' lëshoi një mesazh falënderimi për Krishtlindje duke iu kujtuar tifozëve të tyre se 2014-a ishte një vit i paharrueshëm.

Në videon e postuar në Youtube, solisti i grupit Mick Jagger tha se grupi ka kaluar një vit të mrekullueshëm dhe tregoi shpresat e tij për 2015-n.

"Ne kaluam çaste shkëlqyer gjatë turneut të 14-të 'On Fire'. Kemi parë shumë prej jush atje, dhe vërtet ju falënderojmë. Ne kemi luajtur në koncerte në mbi 19 shtete përpara 1 590 882 vetave. Faleminderit të gjithëve dhe mbase do të shihemi në vitin 2015."

Prince kthehet për Krishtlindje dhe rikëndon An other love

Kantautori Prince erdhi me një surprizë për Krishtlindje, duke rikënduar këngën An other love.

Kënga e shkruar fillimisht nga Alice Smith, është tani pjesë e albumit të fundit të Prince, i cili përveçse e ka rikënduar këngën ka ndërthur në të disa nota tipike muzikore të stilit të tij.

Tani kur pritet të zbulohen dhe këngët e tjera të albumit, publiku thotë se Prince, mbetet i veçante më muzikën që bën dhe që shfaqet përherë me risi.