Përshkrimi: Qyteti me rritjen më të shpejtë e me jetën më të ngadalshme

Në Chengdu trashëgimi i pasurisë kulturore po shndërrohet në një stil të ri të jetuari. Përtëritja e mënyrës tradicionale të jetesës, trashëgimi dhe ecja përpara janë bërë një forcë e rëndësishme për rritjen e imazhit të qytetit.

Chengdu-ja vlerësohet si "qyteti i katërt në Kinë" dhe "zemra e Kinës Perëndimore". Chengdu-ja është edhe "qyteti me imazhin më të mirë ndërkombëtar", "kryeqyteti i ushqimeve të shijshme", "qyteti më i përshtatshëm për turizëm". Plani urbanistik i Chengdu-së, me Jinli-un dhe lagjet e ndryshme, jo vetëm pasqyron imazhin e përgjithshëm të zonave historike dhe kulturore të qytetit të vjetër, por edhe krijon një treg më të gjerë dhe u shërben grupeve të ndryshme shoqërore. Kuzhina vendore e ndërthurur me atë perëndimore dhe sektori i argëtimit me karakteristikat e kulturës tradicionale u ofrojnë turistëve kinezë dhe të huaj pika përbashkimi.

Kur të ndodheni në këtë qytet, të dëgjoni zërat e banorëve të tij, t'i shihni ata të bëjnë shëtitje në lagjen e vjetër tregtare, do të kuptoni jetën e tyre të shpenguar e ndoshta do t'i keni zili.