E dini se organizmi ynë është strehë e parazitëve të cilët "ushqehen" çdo ditë nga ne ? E pranoni apo jo të gjithë kemi specie parazitare në organizëm që na konsumojnë substancat ushqyese dhe madje janë shkaku i disa sëmundjeve të rënda.

Njerëzi ndahen në 2 kategori:

1. Njerëzit që detoksifikohen rregullisht nga parazitët

2. Njerëzit që nuk detoksifikohen nga parazitët

Të gjithë jemi të ekspozuar, sidomos në këto kohë të shtimit të ndotjes së ajrit, të ujit dhe të ushqimit të pakontrolluar në nivelin e duhur.

Ana pozitive është se nëse bëjmë një jetë të shëndetëshme dhe të ekuilibruar, me një sistem imunitar të fortë, trupi ynë është i aftë të mbajë nën kontroll shumicën e parazitëve që ndodhen brenda tij.

Në rast se nuk kujdesemi për shëndetin tonë kemi të gjitha shancet që herët a vonë parazitët të jenë shkak i sëmundjeve nga të cilat mund të prekemi.

Lidhja midis parazitëve dhe sëmundjeve

Pas disa eksperimentesh shkencëtarja Hulda Clark ka arritur në përfundimin se shumë sëmundje me të cilat përballet njerëzimi në ditët tona prodhohen nga një parazit i vetëm. Ajo ka shkruar për këtë kërkim shkencor në librin me titull

"Shërimi i të gjitha formave të kancerit", që duhet lexuar edhe nga personat që nuk vuajnë nga kjo sëmundje.

Shkencëtarja ka zbuluar se:

- organizmi i të gjithë pacientëve me kancer ishte i mbingarkuar nga paraziti i njohur si "Fasciolopsis buskii "(një lloj krimbi i sheshtë).

- Të gjithë pacientët me sëmundje lëkure kishin në sasi të mëdha parazitë të llojit cilindrik të njohur si oksiure, limbriç etj.

- Të gjithë pacientët me akne ishin shumë të prekur nga paraziti leshmanjoza .

- Të gjithë diabetikët kanë parazitin e njohur si Eurytrema.

- Të gjithë njerëzit që vuajnë nga migrena kanë parazitin Strongyloides.

- personat me azëm kanë askaride në mushkëri.

- Shumë nga njerëzit që preken nga infarkti kanë parazitë në zemër.

- Parazitët që arrijnë në tru prodhojnë sëmundje psikike, kryesisht skizofreni.

- Personat që djersisin shumë natën janë të mbushur me askaride.

Në këtë mënyrë studjuesja Hulda Clark ka arritur në përfundimin se parazitët shkaktojnë 90% të sëmundjeve, nga të cilat preken njerëzit.

Rreziku i parazitëve

Streha e parazitëve zakonisht është zorra e trashë dhe ajo e hollë e njerëzve dhe mund të shkaktojnë çiste të ndryshme në formë polipesh. Megjithatë parazitët mund të qëndrojnë dhe pasivë nëse personi ka një sistem të forte imunitar dhe një florë intestinale të ekuilibruar. Shqetësimet nisin kur parazitët arrijnë të kalojnë në pjesën tjetër të organizmit dhe të vendosen në organe të tjera. Pikërisht atëhere shfaqen sëmundjet e ndryshme. Kalimi I parazitëve nga zorrët në organe të tjera mund të realizohet te njerëz me një florë intestinale të çekuilibruar dhe në kushtet kur organizmi është I tejmbushur me alkool izopropilik.

Parazitët nuk mund të mbijetojnë në organe të tjera, përveç zorrëve, vetëm nëse në organizëm ka prani të alkoolit izopropilik.

Si arrin alkooli izopropilik në organizmin e njeriut?

Kjo realizohet në mënyrë fare të thjeshtë pasi në ditët tona të gjithë jemi të ekspozuar ndaj kësa substance. Alkooli izopropilik gjendet në shumicën e shampove dhe në këtë mënyrë depërton në trupin e njeriut. Por ky lloj alkooli gjendet edhe te lëngjet e ndryshme që tregtohen kudo, në prodhimet kozmetike, në ujin higjenik për shplarjen e gojës, në llakun e flokëve, në të gjitha prodhimet që përdoren në floktore, në drithërat e përpunuar, në kafenë e dekafeinuar dhe në disa ilaçe.

Ndërkohë vetë bakteri clostridium prodhon alkool izopropilik në zorrët e njeriut. Por në natyrë ka aq shumë mjete për të luftuar këtë element të dëmshëm për orgamizmin tonë.

Programi natyral i zhdukjes së parazitëve

Bazohet në 3 lloje bimësh

-Pelini ( në formë kapsulash ose çaji)

-Jodi i lëkurës së arrës

-Rrënjët e karafilit

Këto 3 përbërës sëbashku kanë fuqinë të eliminojnë shumicën e parazitëve të zorrëve të njeriut. Mbi të gjitha këto elemente janë 100% natyralë dhe mund të gjenden kudo.

Trajtimi kundër parazitëve

Zgjat 3 javë dhe zhvillohet në 2 faza.

1.-Faza fillestare-Çparazitimi-në të cilën bëhet trajtimi intensiv për të zhdukur parazitët dhe vezët e tyre.

2.-Faza e trajtimit-gjatë të cilës trajtimi bëhet një herë në javë për të parandaluar shumimin e parazitëve dhe duhet ndjekur gjatë gjithë jetës tek personat me probleme parazitare.

Trajtimi- Një herë në javë duhet të pini 2 lugë çaji jod arre, 7 kapsula pelini dhe 3 lugë çaji me rrënjë karafili.

Duke respektuar këtë lloj trajtimi do të luftojmë parazitët, ndaj të cilëve jemi të gjithë te ekspozuar çdo ditë.

Mënyra të tjera kundër parazitëve

1.-Hudhra

E njohur për vetitë e saj antiparazitare, antibakteriane dhe si një antibiotik natyror, hudhra ndihmon dhe në luftimin e parazitëve në trupin e njeriut. Disa thelpinj hudhre në ditë luftojnë parazitët

2.-Arra e kokosit

Ka aftësi antiparazitare dhe antibakteriale veçanërisht vaji i arrës së kokosit. Ky i fundit mund të konsumohet në formë natyrale, por rekomandohet konsumimi i arrës së kokosit në tërësi për rezultate të mira në luftimin e parazitëve. Një trajtim 2 herë në javë me arrë kokosi i dëmton shumë parazitët.

3.-Farat e kungullit të papërpunuara

Rreth 50 fara kungulli esëll është një kurë popullore kundër parazitëve të zorrëve.

4.-Fibrat vegjetale

Janë thelbësore në eliminimin e fekaleve që si pasojë e kapsllëkut deri në 48 orë çon në formimin dhe shumimin e parazitëve të zorrëve, pasi u krijon mjedisin e përshtatshëm për tu zhvilluar.

5.-Probiotikët

Flora intestinale është një barrierë midis parazitëve, bakterieve dhe viruseve të zorrëve por dhe të pjesës tjetër të organizmit. Një florë intestinale e ekuilibruar dhe e shëntetëshme lejon vetëm elementet e dobishëm të kalojnë në organizëm, duke bllokuar parazitët. Kur flasim për probiotikët kemi parasysh përdorimin sistematik të kosit, çikoreve,fasuleve, bizeleve, hudhrës, spinaqit dhe zyrzavateve, por edhe të bananeve dhe thekrës.

6.-Vitamina C

Luan një rol rrënjësor në funksionimin optimal të organizmit, por edhe në eliminimin e parazitëve. Nuk e kemi fjalën për Vitaminën C në farmaci, por për atë që konsumohet nëpërmjet agrumeve, majdanozit, specit jeshil, kiwit, portokalleve etj.

7.-Të tjera ushqime

Për asgjësimin me rrugë natyrale të parazitëve duhet të konsumojmë dhe aloe vera, fara të limonit dhe qitros, propolis dhe jod.

Rotacioni ushqimor

Si çdo organizëm i gjallë, parazitët përshtaten për tu bërë imun ndaj ushqimeve apo elementeve të tjerë që i luftojnë ato. Ndaj nuk do të mund të asgjësoni parazitët duke ngrënë çdo ditë 2 thelpinj hudhre, apo fara kungulli. Në luftën kundër parazitëve është shumë i rëndësishëm rotacioni ushqimor.

Kjo do të thotë që një javë duhet të konsumoni shumë arrë kokosi, kurse javën që vijon fara kungulli çdo ditë, për të kaluar më pas te elementet e tjerë që I përmendëm më lart. Në këtë mënyrë parazitët nuk mund të zhvillohen.

Sipas studjueses Clark përdorimi i 3 komponentëve jod i arrës, pelin dhe rrënjë karafili përbën një kombinim që vret shumicën e parazitëve, në më pak se 3 javë.