Gjatë shtatzënisë imuniteti i gruas dobësohet e për pasojë ajo mund të preket më lehtë nga gripi, i cili ndikon tek shëndeti i fetusit. Prandaj, duhet të merren disa masa për parandalimin e gripit.

Pse preken nga gripi gratë shtatzëna:

Gjatë shtatzënisë gruaja ndihet e lodhur, mund të ketë probleme me aneminë dhe tensionin e lartë. Të gjitha këto shtojnë rrezikun e prekjes nga gripi.

Kinezët besojnë se gjatë shtatzënisë nëna harxhon energjinë "chi" për qënien brenda saj dhe si rezultat mund të shfaqen probleme që kanë të bëjnë me pamjaftueshmërinë e energjisë jetike. Po ashtu femrat gjatë shtatzënisë hasen me problemin e anemisë, gjithashtu edhe me fryrjen si pasojë e ujit të tepërt. Për shkak se pjesa më e madhe e vitaminave dhe mineraleve shkon për beben, tek nëna mund të paraqiten jo vetëm probleme fizike por edhe çrregullime të sistemit nervor, si pasojë e ndryshimit hormonal.

Një arsye tjetër e gripit tek gratë shtatzëna është se ato djersiten shpesh gjë që mund të çojë në ftohje. Po ashtu gjatë shtatzënisë shtimi në peshë vështirëson qarkullimin e gjakut në gjymtyrët e poshtme. Vështirësia në qarkullimin e gjakut mund të sjellë edhe probleme në aftësinë e rregullimit të temperaturës së trupit, duke shkaktuar djersitje. Megjithëse djersa nuk është një fenomen negativ, por me ndryshimun e shpejtë të temperaturës mund të shkaktohet gripi..

Këshilla për parandalimin e gripit tek shtatzënat

-Komposto me xhenxhefil dhe sheqer.

Kjo komposto këshillohet për gratë shtatzëna me grip.

Përgatitja：

Prisni xhenxhefilin në copa të vogla dhe ziejeni në ujë të valuar për vetëm 10 minuta, shtoni pak sheqer në fund. Kjo komposto këshillohet para gjumit.

Pas kësaj supe mund të ndodh që t'ju dalë djersë. Përveç xhenxhefilit, edhe qepa ka të njëjtin rol.

1. konsumi i ushqimeve të pasura me vitaminë C

Vitamina C ju ndihmon në largimin e toksinave jashtë trupit. Këshillohet përdorimi i frutave dhe perimeve të pasura me vitaminë C si shega, speci domatja, lakra, mandarina dhe kivi.

2. Shplarja e gojës me ujë të kripur

Çdo mëngjes, pasi ngriheni nga krevati, shplajeni gojën me ujë të kripur. Kjo është një mënyrë e thjeshtë me pak kosto për parandalimin e gripit. Uji me kripë mund ndihmon gjithashtu në mbrojtjen e shëndetit të dhëmbëve, duke eleminuar gjakderdhjen nga mishrat e dhëmbëve.

Gjithashtu këshillohet larja me ujë të ftohtë e fytyrës në mëngjes, pasi mund të stimulojë rezistencën e trupit ndaj gripit. Ndërsa, në mbrëmje, para gjumit, duhet ta lani fytyrën me ujë të ngrohtë, për t'ju lehtësuar nga lodhja e ditës.

3. Pini më shumë ujë

Konsumi i ujit të bollshëm është një mënyrë shumë e thjeshtë për shëndetin e grave shtatzëna. Uji mund të parandalojë gripin dhe dhimbjet e fytit. Çdo ditë, ju sugjerojmë 600 deri 800 ml ujë.

4. Ajrosja e dhomës së gjumit.

Duhet të hapni dritaren për të ajrosur ambjentin. Përpiquni ta mbani sa më shumë dritaren hapur sidomos para se të flini.Po ashtu dritarja duhet hapur gjatë ditës me diell, meqenëse bimët lëshojnë më shumë oksigjen nën ndriçimin e diellit.

5. Evitoni vendet ku ka shumë njerëz për të ulur mundësinë e prekjes nga gripi gjatë kontaktit me të tjerët.

6. Lëvizje të thjeshta trupore, pa sforcime

Pjesa më e madhe e grave shtatzëna nuk lëvizin apo ecin sa duhet, për shkak se kanë merak për beben. Por, në fakt, stërvitja e thjeshtë është e nevojshme për shëndetin e tyre dhe të fetusit. Bëni më shumë ecje gjatë ditës, pasi do t'ju ndihmojë në forcimin e sistemit imunitar dhe ju mbron nga viruset. (Xu Guang)