Zëdhënësi i Zyrës Kombëtare të Statistikave të Kinës tha se treguesit kryesorë të ekonomisë kineze për muajin e kaluar i tejkaluan parashikimet dhe ekonomia është e qëndrueshme në përgjithësi.

Fu Linghui bëri të ditur gjithashtu se vlera e shtuar e ndërmarrjeve kryesore industriale muajin e kaluar u rrit 6.2 për qind në krahasim me nëntorin e vjetshëm dhe 1.5 pikë përqindjeje më shumë se në tetor.

Në 11 muajt e parë, investimet në pasuritë fikse ishin 5.2 për qind më shumë se në të njëjtën periudhë të vjetshme, duke arritur në 53 trilionë juanë dhe duke ruajtur të njëjtin nivel me periudhën janar-tetor.

Investimet në arsim, kulturë dhe mbrojtjen e mjedisit regjistruan një rritje të shpejtë.

Shitjet në internet u shtuan ndjeshëm, mbi 16 për qind në krahasim me të njëjtën periudhë të vitit të kaluar, duke arritur në 9.5 trilionë juanë.