Më 5 janar, presidenti amerikan Barack Obama, gjatë një fjalimi në Pentagon, deklaroi strategjinë e re ushtarake të vendit. Ndryshimi më i madh në raport ishte strategjia e sigurisë kombëtare që e zhvendos fokusin në rajonin Azi-Paqësorit.

Raporti theksonte se në rajonin e Azi-Paqësorit, SHBA-ja do të forcojë më tej aleancën me aleatët e saj dhe do të zgjerojë bashkëpunimin me vende të tjera. SHBA-ja do të zvogëlojë numrin e këmbësorisë, do të pakësojë prezencën ushtarake në Europë, por do të shtojë atë në rajonin e Azi-Paqësorit.

Në qershor, sekretari amerikan i mbrojtjes Leon Panetta ishte i pranishëm në Dialogun e Shangri-la-së në Singapor, ku paraqiti më qartë konceptin e Shteteve të Bashkuara për "strategjinë e rebalancimit në rajonin e Azi-Paqësorit".

Në nëntor, presidenti Obama vizitoi Tajlandën, Birmaninë dhe Kamboxhian. Kjo ishte vizita e parë e presidentit Obama në rajonin e Azi-Paqësorit, pas rizgjedhjes së tij.

Ndihmësi i presidentit dhe Këshilltari Kombëtar i Sigurisë Tom Donilon, deklaroi se ndryshimi i politikës së sigurisë së Shteteve të Bashkuara, i shërben "rebalancimit të rajonit të Azi-Paqësorit", ndërsa SHBA-ja hyn në një fazë të re.