Quhet ndryshe: Kryeqyteti i lashtë i Kinës  Qytet me male dhe lumenj

Vendndodhja e qytetit: Në jug të provincës Shanxi të Kinës qendrore, është kryeqendra e provincës

Video:

Xian ka qenë vendstrehimi i njerëzimit të lashtë në Azi, para 1.150 milionë vjetësh, dhe i paraardhësve Qianpanbo para 6 mijë vjetësh. Është një nga djepet e kulturës së qytetërimit të lashtë të Kinës. Xian ka qenë edhe kryeqyteti i 13 dinastive të Kinës. Ai është një qytet i madh që ka shërbyer si kryeqytet për një periudhë të gjatë dhe kryeqyteti i më shumë dinastive me ndikimin më të madh. Terrakotat e figurave të ushtarëve dhe kuajve të varrezës së perandorit të dinastisë Qin si "mrekullia e tetë në botë", varri i perandorit Huandi, që ishte perandori i parë i kombit kinez, muri i qytetit Xian është kështjella e lashtë më e madhe dhe e mirëmbajtur më mirë deri në ditët e sotme në botë, " Pylli i përmendoreve Xian", relikte budiste Sakyamuni si dhe dhjetëra e mijëra koleksione të cmuara etj., të cilat janë të njohura në mbarë botën.

Edhe peizazhi i Xianit është shumë i bukur dhe i veçantë. Në lindje të tij ndodhet mali Xiyue Huashan me shkëmbinj të thepisur, pishina me ujë termik e pallatit Huaqin të perandorëve të dinastive të ndryshme, malet Taiping, Zhuque, Taibai plot gjelbërim në jug dhe parqe pyjesh në rang shtetëror, vendi piktoresk Diaoyutai dhe parku zoologjik me kafshë të egra në perëndim. Zona ekologjike Chanba "qyteti i parë i ujit në Kinën perendimore" dhe parku i parë tematik i tipit të kopshtit perandorak në Kinë që mishëron në mënyrë të gjithanshme pamjet madhështore të dinastisë së zhvilluar Tang- parku Furong i dinastisë Tang.