Qendra "Albanian Excellence" ka nisur misionin e saj në 100 vjetorin e pavarësisë së Shqipërisë në vitin 2012, me botimin e librit "100 shqiptarët e vitit". Deri tani kjo qendër ka promovuar vlerat e shqiptarëve të shquar në botë, por dhe ka ndërmarrë lëvizje ndërgjegjësuese qytetare në bashkëpunim me pushtetin vendor në Korçë, Fier, Berat, duke u ardhur në ndihmë personave me aftësi të kufizuara apo mbrojtjes së mjedisit.

Presidentja e "Albanian Excellence" gazetarja e njohur Flora Nikolla në një intervistë ekskluzive për CRI shqip na tregoi se nisma e rradhës e kësaj Qendre është projekti madhor "Imazhi i gruas shqiptare në botë", që mbështetet dhe nga presidenti i Republikës, z. Bujar Nishani.

Në vizionin e "Albanian Excellence" që ka partneritet me Agjencinë Telegrafike Shqiptare (ATSH) shihet dhe bashkëpunimi me Radion e Jashtme të Kinës, veçanërisht CRI shqip për veprimtari të përbashkëta në të ardhmen. Ndiqni intervistën me presidenten e Qendrës "Albanian Excellence" Flora Nikolla, realizuar nga gazetarja Eda Merepeza.