Ekipi shqiptar që merr pjesë në Universiadën e Shenzhet, Lojërat e 26-ta Studentore Botërore, do të garojë kryesisht në atletikë dhe pingpong. Në prag të nisjes, drejtuesi i ekipit, Artan Shyti, thotë në një intervistë për CRI (Radion e Jashtme të Kinës), se gjithçka është gati dhe sportistët shqiptarë do të përballen me dinjitet në Universiadë. Për zotin Shyti, është një kënaqësi e veçantë që Shqipëria merr pjesë në një aktivitet me përmasa botërore si Universiada.

Në kuadrin e riorganizimit të sportit universitar, një delegacion nga Shqipëria ndodhet në Kinë për të marrë pjesë në Kongresin Botëror të Sportit Universitar.

Zoti Shyti, shpreson që në të ardhmen të arrihej një bashkëpunim me Universitetin e Sporteve të Pekinit.